നൊടിനേരം വൈകിയതുകൊണ്ട്
തൊട്ടുമുന്നില്വെച്ച്
വിട്ടുപോയ ലിഫ്റ്റ് പോലെ
സമയത്തിനുച്ചരിക്കാത്ത
ചില വാക്കുകള്,
അവയുടെ വാതിലുകള്,
നമ്മളെ നിന്നിടത്ത് നിര്ത്തി
അടഞ്ഞുപോയ ശേഷം
നമ്മളെക്കൂടാതെയുള്ള
അവയുടെ ഉള്ളടക്കത്തോടെ
ഉയരത്തിലേക്കോ
ആഴത്തിലേക്കോ
സഞ്ചരിക്കുന്നു,
സാക്ഷാത്ക്കരിക്കുന്നു.
വാക്കിനൊപ്പം വിട്ടുപോയ
നമ്മുടെ സമയം
കാത്തിരിപ്പിലേക്ക്
പര്യായപ്പെടുകമാത്രം ചെയ്യുന്നു.
Friday, April 17, 2009
Wednesday, April 15, 2009
വോട്ട് ചെയ്യുമ്പോള്
ഈ തെരഞ്ഞെടുപ്പുകാലത്ത് പലവിധ വിവാദങ്ങളിലായി മാധ്യമങ്ങള് മുക്കിക്കളഞ്ഞ ചില സുപ്രധാന രാഷ്ട്രീയ വിഷയങ്ങള്, സ്വയം ഓര്ക്കാനും ഉറപ്പുവരുത്താനും :
- കമ്പോളമല്ല, ഗവണ്മെന്റാണ് രാജ്യം ഭരിക്കേണ്ടതെന്ന് പ്രഖാപിക്കാന്.
- ഭീകരതയ്ക്ക് വിത്തുവിതയ്ക്കുന്ന വര്ഗ്ഗീയതയെ ചെറുക്കാന്.
- ഇന്ത്യന് പൊതുമേഖല ശക്തിപ്പെടുത്താന്.
- 60% ജനങ്ങള് ഉപജീവനമാര്ഗ്ഗം തേടുന്ന കാര്ഷിക മേഖലയില് ചെലവാക്കുന്ന തുകയുടെ പകുതി സര്ക്കാര് സബ്സിഡിനല്കുമെന്ന് പ്രഖ്യാപിക്കാന്.
- വിദ്യാഭ്യാസം, ആരോഗ്യം, ഗതാഗതം, ജലം എന്നീ മേഖലകള് സര്ക്കാര് മേല്നോട്ടത്തിലും ഉടമസ്ഥതയിലും സംരക്ഷിക്കാന്.
- പി.എഫ്. പലിശ നിരക്ക് 13% ആയി ഉയര്ത്തുകയും പി.എഫ് തുക സ്വകാര്യ കമ്പനികള്വഴി ഓഹരികമ്പോളത്തിന് കൈമാറാനുള്ള യു.പി.എ. സര്ക്കാരിന്റെ തീരുമാനം പിന്വലിക്കുകയും ചെയ്യുമെന്ന് ഉറപ്പിക്കാന്.
- പെന്ഷന് സ്വകാര്യവല്ക്കരണബില് , ബാങ്കിംഗ് ബില് , ഇന്ഷൂറന്സ് വിദേശ നിക്ഷേപ പരിധി ഉയര്ത്താനുള്ള ബില് , എന്നിവ പിന്വലിക്കാന്.
- സര്ക്കാര് അര്ദ്ധസര്ക്കാര്-സംസ്ഥാനസര്ക്കാര് മേഖലകളിലും പൊതു മേഖലയിലും കഴിഞ്ഞ 15 വര്ഷമായി കാര്യമായി റിക്രൂട്ട്മെന്റ് നടക്കാത്തതുമൂലം ഒഴിഞ്ഞു കിടക്കുന്ന 50 ലക്ഷം വേക്കന്സികളില് ഉടന് നിയമനം നടത്തുമെന്ന് ഉറപ്പുവരുത്താന്.
- ഇന്ത്യയുടെ പരമാധികാരവും സ്വാതന്ത്ര്യവും സാമ്പത്തിക മുന്ഗണനകളും തകര്ക്കുന്ന അന്താരാഷ്ട്ര കരാറുകളില് നിന്ന് പിന്മാറുമെന്നും പാര്ലമെന്റിന്റെ അനുമതിയില്ലാതെ അത്തരം കരാറുകളില് ഇനി ഏര്പ്പെടില്ലന്നും ഉറപ്പുവരുത്താന്.
- തൊഴില് സുരക്ഷ ഉറപ്പുവരുത്താന്, പണിമുടക്കാനും വിലപേശാനും തൊഴിലാളികള്ക്കുള്ള അവകാശം സംരക്ഷിക്കാന്.
- ഭൂപരിഷ്കരണം നടപ്പാക്കുവാനും സെസുകള്ക്കുവേണ്ടി അന്യായമായി കര്ഷകരുടെ ഭൂമി ഏറ്റെടുക്കില്ലെന്ന് ഉറപ്പുവരുത്താന്.
- കോര്പ്പറേറ്റ് നികുതി 50 ശതമാനമായി ഉയര്ത്താനും ഓഹരി കമ്പോളത്തിലെ ഇടപാടുകള്ക്ക് നികുതി ചുമത്താനുനുമുള്ള രാഷ്ട്രീയ ഇച്ഛാശക്തി കാട്ടാന്.
- സംസ്ഥാനങ്ങളില് നിന്ന് പിരിച്ചെടുക്കുന്ന കേന്ദ്രനികുതി വരുമാനം അതത് സംസ്ഥാനങ്ങള്ക്കുതന്നെ നല്കുമെന്ന് ഉറപ്പുനല്കാന്.
നമ്മുടെ വോട്ടുകള് ഇടതുപക്ഷത്തിന് എന്ന് ഉറപ്പാക്കൂ, പുതിയൊരു ഇന്ത്യയ്ക്കായി...
*Modified from PAG Bulletin പോസ്റ്റര് ഡിസൈന് : പരാജിതന്
Wednesday, April 08, 2009
അകത്തിരിപ്പ്
വെള്ളരിക്കയില്
കവിത ഇരിപ്പുണ്ടോ എന്ന്
നോക്കിയിരിപ്പായിരുന്നു.
വരയന്പുലിയുടെ
തൊലിയുണ്ടായിട്ടും
തെറിച്ചുനില്പ്പില്ല
തരിമ്പും ശൌര്യം.
ഉള്ളിലാവും
ഉണ്മ, കവിത എന്ന്
ഊഹം മൂര്പ്പിച്ച്
പിളര്ന്നുനോക്കി പിന്നെ.
നനവില് കുളിര്മ്മയില്
വരിയായി വിന്യസിച്ച്
ഹാ !
വിത്തുകളുടെ സൂക്ഷ്മസന്നാഹം,
ഉത്കണ്ഠകളെ നമ്മള്
ഉപമകളിലൊളിപ്പിക്കുന്നതിലും
ചാതുരിയില്, കവിതയില്.
കവിത ഇരിപ്പുണ്ടോ എന്ന്
നോക്കിയിരിപ്പായിരുന്നു.
വരയന്പുലിയുടെ
തൊലിയുണ്ടായിട്ടും
തെറിച്ചുനില്പ്പില്ല
തരിമ്പും ശൌര്യം.
ഉള്ളിലാവും
ഉണ്മ, കവിത എന്ന്
ഊഹം മൂര്പ്പിച്ച്
പിളര്ന്നുനോക്കി പിന്നെ.
നനവില് കുളിര്മ്മയില്
വരിയായി വിന്യസിച്ച്
ഹാ !
വിത്തുകളുടെ സൂക്ഷ്മസന്നാഹം,
ഉത്കണ്ഠകളെ നമ്മള്
ഉപമകളിലൊളിപ്പിക്കുന്നതിലും
ചാതുരിയില്, കവിതയില്.
Monday, March 16, 2009
ട്രൂ കോപ്പി
മേല്പ്പാലത്തില് നിന്ന്
താഴേക്ക് നോക്കുമ്പോള്
നാല്ക്കവലയില് ഒരുവശത്തിന്
ചുവപ്പ് സിഗ്നല്.
അണതിങ്ങി മുരളുന്നു,
വേഗങ്ങള് വെളിച്ചങ്ങള്.
നോക്കിനില്ക്കുമ്പോള് തന്നെ
സിഗ്നലില് ചുവപ്പുമാറി പച്ച.
മഞ്ഞവെളിച്ചത്തിന്റെ ഒരു തിരമാല
നിരത്തിനെ
നിയന്ത്രിതവേഗത്തില്
സ്കാന് ചെയ്യുന്നു.
നഗരരാത്രി അതിന്റെ
ഫോട്ടോകോപ്പികളുടെ കൂട്ടത്തില്
ഒന്നിനെക്കൂടി എടുത്തുവെയ്ക്കുന്നു.
നാളെ പകല് നിങ്ങളുടെ
മേശയിലെത്തുമ്പോള്
ശരിപ്പകര്പ്പെന്ന്
സാക്ഷ്യപ്പെടുത്താന്
ശങ്കിച്ചുനിന്നേക്കരുത്....
താഴേക്ക് നോക്കുമ്പോള്
നാല്ക്കവലയില് ഒരുവശത്തിന്
ചുവപ്പ് സിഗ്നല്.
അണതിങ്ങി മുരളുന്നു,
വേഗങ്ങള് വെളിച്ചങ്ങള്.
നോക്കിനില്ക്കുമ്പോള് തന്നെ
സിഗ്നലില് ചുവപ്പുമാറി പച്ച.
മഞ്ഞവെളിച്ചത്തിന്റെ ഒരു തിരമാല
നിരത്തിനെ
നിയന്ത്രിതവേഗത്തില്
സ്കാന് ചെയ്യുന്നു.
നഗരരാത്രി അതിന്റെ
ഫോട്ടോകോപ്പികളുടെ കൂട്ടത്തില്
ഒന്നിനെക്കൂടി എടുത്തുവെയ്ക്കുന്നു.
നാളെ പകല് നിങ്ങളുടെ
മേശയിലെത്തുമ്പോള്
ശരിപ്പകര്പ്പെന്ന്
സാക്ഷ്യപ്പെടുത്താന്
ശങ്കിച്ചുനിന്നേക്കരുത്....
Tuesday, February 10, 2009
വൈകുന്നേരത്തെ പാര്ക്കില്
കുട്ടികള് കളിക്കുന്ന
മുതിര്ന്നവര് സൊറപറയുന്ന
വൈകുന്നേരത്തെ പാര്ക്കിലൊരിടത്ത്
ഇന്നലെ പെയ്തിട്ട്
ഇന്നും വറ്റാത്ത വെള്ളത്തില്
ഒരു കഷണം ആകാശം.
വെള്ളത്തിലെ ആകാശത്തില്
മേഘം നീന്തി നീങ്ങുന്നു.
കൈവിട്ട ഒരു കളിപ്പന്ത്
തെറിച്ചുതുള്ളി വരുന്നുണ്ട്.
ആകാശത്തേക്ക് വീഴുമോ പന്ത്?
വെള്ളത്തുള്ളികള്ക്കൊപ്പം
തെറിച്ചുപോകുമോ മേഘം?
ചെളിവെള്ളത്തില് കളിച്ചതിന്
വഴക്കുകേള്ക്കുമോ കുട്ടി ?
മുതിര്ന്നവര് സൊറപറയുന്ന
വൈകുന്നേരത്തെ പാര്ക്കിലൊരിടത്ത്
ഇന്നലെ പെയ്തിട്ട്
ഇന്നും വറ്റാത്ത വെള്ളത്തില്
ഒരു കഷണം ആകാശം.
വെള്ളത്തിലെ ആകാശത്തില്
മേഘം നീന്തി നീങ്ങുന്നു.
കൈവിട്ട ഒരു കളിപ്പന്ത്
തെറിച്ചുതുള്ളി വരുന്നുണ്ട്.
ആകാശത്തേക്ക് വീഴുമോ പന്ത്?
വെള്ളത്തുള്ളികള്ക്കൊപ്പം
തെറിച്ചുപോകുമോ മേഘം?
ചെളിവെള്ളത്തില് കളിച്ചതിന്
വഴക്കുകേള്ക്കുമോ കുട്ടി ?
Monday, February 09, 2009
മരവിപ്പുകളി
ഹൊ !
എന്റെ മരവിപ്പേ,
ആരെല്ലാം എങ്ങനെയെല്ലാം
മറന്നുപോയിട്ടും
മുടക്കമില്ലാതെ
ഇക്കുറിയും നീ.
ഒരു കോടതിയും
സ്റ്റേ ചെയ്യുന്നില്ലല്ലോ
നിന്റെ ഋതുവിനെ.
കാലം എന്ന ഇടപാടിനൊഴികെ
നിനക്കുമാത്രമാണര്ഹത,
കാലാതീതമെന്ന സ്ഥാനപ്പേരിന്.
നിന്റെ എക്കലടിഞ്ഞിടത്തുനിന്ന്
പിന്നെയും ഞാന്
പൊടിച്ചു പൊന്തുന്ന കളി
തുടങ്ങുകയല്ലേ എന്നാല് ?
എന്റെ മരവിപ്പേ,
ആരെല്ലാം എങ്ങനെയെല്ലാം
മറന്നുപോയിട്ടും
മുടക്കമില്ലാതെ
ഇക്കുറിയും നീ.
ഒരു കോടതിയും
സ്റ്റേ ചെയ്യുന്നില്ലല്ലോ
നിന്റെ ഋതുവിനെ.
കാലം എന്ന ഇടപാടിനൊഴികെ
നിനക്കുമാത്രമാണര്ഹത,
കാലാതീതമെന്ന സ്ഥാനപ്പേരിന്.
നിന്റെ എക്കലടിഞ്ഞിടത്തുനിന്ന്
പിന്നെയും ഞാന്
പൊടിച്ചു പൊന്തുന്ന കളി
തുടങ്ങുകയല്ലേ എന്നാല് ?
Thursday, January 29, 2009
പ്രതീക്ഷ ആസ്വദിക്കാന് ഒരു പൊടിക്കൈ
പ്രതീക്ഷ
പകുതിതൊട്ട് കണ്ടുതുടങ്ങിയ
ഒരു സിനിമയാണെന്ന് ഉള്ക്കൊള്ളുക.
എന്താ കഥ? എന്ന ആകാംക്ഷ
ആ റീലുതൊട്ട് അസാധുവാകുന്നു.
ഫ്ലാഷ്ബാക്കിലാണോ
സ്വപ്നരംഗത്തിലാണോ
കാണുന്നതെന്നറിയാഞ്ഞ്
സന്ദേഹങ്ങളും ഉത്കണ്ഠകളും
ഉടനടി കാലഹരണപ്പെടും.
ആലോചിച്ച് നോക്കൂ,
മറ്റുള്ളവര്ക്ക് തീര്ന്നുപോയ
പരിണാമഗുപ്തിയില് നിന്ന്
നിങ്ങള്ക്കുള്ളൊരു കൌതുകം
മുളച്ചുതുടങ്ങുന്നത്
എവിടംതൊട്ട് കാണണമെന്നുമാത്രം
ശ്രദ്ധിച്ചാല് മതി,
പ്രതീക്ഷ എന്ന ചലച്ചിത്രം.
പകുതിതൊട്ട് കണ്ടുതുടങ്ങിയ
ഒരു സിനിമയാണെന്ന് ഉള്ക്കൊള്ളുക.
എന്താ കഥ? എന്ന ആകാംക്ഷ
ആ റീലുതൊട്ട് അസാധുവാകുന്നു.
ഫ്ലാഷ്ബാക്കിലാണോ
സ്വപ്നരംഗത്തിലാണോ
കാണുന്നതെന്നറിയാഞ്ഞ്
സന്ദേഹങ്ങളും ഉത്കണ്ഠകളും
ഉടനടി കാലഹരണപ്പെടും.
ആലോചിച്ച് നോക്കൂ,
മറ്റുള്ളവര്ക്ക് തീര്ന്നുപോയ
പരിണാമഗുപ്തിയില് നിന്ന്
നിങ്ങള്ക്കുള്ളൊരു കൌതുകം
മുളച്ചുതുടങ്ങുന്നത്
എവിടംതൊട്ട് കാണണമെന്നുമാത്രം
ശ്രദ്ധിച്ചാല് മതി,
പ്രതീക്ഷ എന്ന ചലച്ചിത്രം.
Sunday, December 28, 2008
പുസ്തകം - പ്രകാശനം
സുഹൃത്തുക്കളേ,എന്റെ കവിതകളുടെ ഒരു സമാഹാരം പ്രസിദ്ധീകരിക്കപ്പെടുന്നു. ‘നിലവിളിയെക്കുറിച്ചുള്ള കടങ്കഥകള്’ എന്ന പേരില് ബുക്ക് റിപ്പബ്ലിക്ക് ആണ് പുസ്തകം പുറത്തിറക്കുന്നത്.
ഇന്റര്നെറ്റ് വഴി പരിചയപ്പെട്ട മുപ്പതോളം മലയാളികള് ചേര്ന്ന് രൂപംകൊടുത്ത പരീക്ഷണ സംരംഭമാണ് ബുക്ക് റിപ്പബ്ലിക്. ഒരു സമാന്തര പ്രസാധന-വിതരണ സംവിധാനം ഉണ്ടാക്കുകയും അതു വഴി മലയാള പുസ്തകലോകത്തില് നവീനവും സര്ഗാത്മകവുമായ സാന്നിധ്യമാവുകയുമാണ് ഈ സംരംഭത്തിന്റെ ലക്ഷ്യം.
പുസ്തകത്തില് 49 കവിതകള് ആണ് ഉള്ളത്. 35 എണ്ണം ഈ ബ്ലോഗില് പോസ്റ്റ് ചെയ്തവയാണ്. പുസ്തകമാവാനുള്ള അവസരം എന്റെ കവിതകള്ക്ക് ലഭിച്ചതിനെപ്പറ്റിയുള്ള ഏത് ആലോചനയിലും നിറയുന്നത് ഈ ബ്ലോഗ് വായിക്കാറുള്ളവരോടും ഇവിടെ എന്നോട് സംവദിക്കാറുള്ളവരോടുമുള്ള കടപ്പാടാണ്. നന്ദി, ഓരോ വരവിനും വായനയ്ക്കും വിനിമയങ്ങള്ക്കും.
പുസ്തകത്തിന്റെ ഒരു കോപ്പി എല്ലാവരും വാങ്ങണമെന്നും കവിതയില് താത്പര്യമുള്ള സുഹൃത്തുക്കള്ക്ക് പരിചയപ്പെടുത്തണമെന്നും അഭ്യര്ത്ഥിക്കുന്നു.
ജനുവരി 10 ആം തിയതി ഏറണാകുളം ഇടപ്പള്ളി ചങ്ങമ്പുഴ പാര്ക്കില് വെച്ച് ഈ പുസ്തകത്തിന്റെ പ്രകാശനം നടത്തപ്പെടുന്നു. ഈ പോസ്റ്റ് ഓരോരുത്തര്ക്കും ഉള്ള വ്യക്തിപരമായ ക്ഷണമായി കണക്കാക്കണമെന്നും പരിപാടിയില് എല്ലാവരും പങ്കെടുക്കണം എന്നും ആഗ്രഹിക്കുന്നു.
പുസ്തകത്തെക്കുറിച്ച് ചില വിശദാംശങ്ങള്;
പേര് : നിലവിളിയെക്കുറിച്ചുള്ള കടങ്കഥകള്
പഠനം : ഡോ. സോമന് കടലൂര്
കവര്, ലേ ഔട്ട് : ഉന്മേഷ് ദസ്തക്കിര്
ടൈപ്പ് സെറ്റിംഗ് : ശ്രീനി ശ്രീധരന്
പുസ്തകത്തിന്റെ കോപ്പി ബുക്ക് ചെയ്യുവാന് ഇവിടം സന്ദര്ശിക്കുക.
സസ്നേഹം
ടി.പി. വിനോദ്
Sunday, December 07, 2008
മുനമ്പ്
ആത്മാവിന്റെ മുനമ്പ്
എന്ന് വിളിക്കാമോ
ക്ഷീണം കൊണ്ട്
ഉറങ്ങിപ്പോകും മുന്പ്
പിറ്റേന്നത്തെയോ
അന്നത്തെയോ
പകലിനെക്കുറിച്ച്
പാതി ബോധത്തില്
പൂര്ത്തിയാകാതെ പോകുന്ന
വീണ്ടുവിചാരത്തിനെ?
ശരീരം
തുഴഞ്ഞുതാണ്ടിയെത്തുന്നത്
എന്ന് വ്യംഗ്യമുണ്ടാവുമോ
അതിന് ?
എന്ന് വിളിക്കാമോ
ക്ഷീണം കൊണ്ട്
ഉറങ്ങിപ്പോകും മുന്പ്
പിറ്റേന്നത്തെയോ
അന്നത്തെയോ
പകലിനെക്കുറിച്ച്
പാതി ബോധത്തില്
പൂര്ത്തിയാകാതെ പോകുന്ന
വീണ്ടുവിചാരത്തിനെ?
ശരീരം
തുഴഞ്ഞുതാണ്ടിയെത്തുന്നത്
എന്ന് വ്യംഗ്യമുണ്ടാവുമോ
അതിന് ?
Friday, November 28, 2008
സുഷിരകാണ്ഡം
നരകത്തില് നിന്ന്
സ്വര്ഗ്ഗത്തിലേക്ക്
ഒളിഞ്ഞുനോക്കാനുള്ള
കിഴുത്തയില്
കരടായിക്കിടക്കുകയാണ്
ഒരു നഷ്ടബോധം.
ഇപ്പുറത്തുനിന്നോ
അപ്പുറത്തുനിന്നോ
സഹികെട്ട്
ഞാന് തന്നെ
ഊക്കിലൊന്നൂതുമ്പോള്
അങ്ങോട്ടേക്കോ
ഇങ്ങോട്ടേക്കോ
തെറിച്ച് ചേര്ന്ന്
പുണ്യമോ പാപമോ
ആകാനാണതിന്റെ
രഹസ്യ പദ്ധതി.
സ്വര്ഗ്ഗത്തിലേക്ക്
ഒളിഞ്ഞുനോക്കാനുള്ള
കിഴുത്തയില്
കരടായിക്കിടക്കുകയാണ്
ഒരു നഷ്ടബോധം.
ഇപ്പുറത്തുനിന്നോ
അപ്പുറത്തുനിന്നോ
സഹികെട്ട്
ഞാന് തന്നെ
ഊക്കിലൊന്നൂതുമ്പോള്
അങ്ങോട്ടേക്കോ
ഇങ്ങോട്ടേക്കോ
തെറിച്ച് ചേര്ന്ന്
പുണ്യമോ പാപമോ
ആകാനാണതിന്റെ
രഹസ്യ പദ്ധതി.
Wednesday, November 26, 2008
അറിവിന്റെ ആകൃതിയുള്ള ചോദ്യം
സങ്കീര്ണ്ണമായ
മനസ്സുള്ള ആളാണ്.
ഒരിക്കല്,
ഇട്ടിരിക്കുന്ന ഷര്ട്ട്
പുതിയതാണോ എന്ന് ചോദിച്ചപ്പോള്
സെല്ലുലോസ്, കാര്ബണ്,
ഹൈഡ്രജന്, ഓക്സിജന്
പഴയതേത് പുതിയതേതെന്ന്
മറുപടി ചോദിച്ചു.
ആത്മീയ സമ്മേളനത്തില്
മൈക്കിരന്നുവാങ്ങി
നിങ്ങളെല്ലാം മരിച്ചവരല്ലെന്ന് എന്താണുറപ്പ്?
പരലോകത്തില്,
നരകത്തിലല്ല, സ്വര്ഗ്ഗത്തിലല്ല
ഈ സമ്മേളനം നടക്കുന്നതെന്ന്
ഉറപ്പുള്ളവരാരുണ്ടെന്ന് ആരാഞ്ഞു.
കാമുകനൊടൊത്ത്
ഐസ്ക്രീം കഴിച്ചുകൊണ്ടിരുന്ന
സുന്ദരിയോട്
അറിയാമോ,
നീയിപ്പോള് നുണയുന്ന മധുരം
എത്ര ന്യൂറോണുകളുടെ
അശ്രാന്തപരിശ്രമമെന്ന്
ഇടപെട്ട ശേഷം
തല്ല് വാങ്ങിക്കൂട്ടി.
വെളിവിന്റെ
എല്ലാ പഞ്ഞിത്തുണ്ടുകളെയും
ഇങ്ങനെയിങ്ങനെ
നൂലായ് പിരിച്ചെടുത്ത്
നൂലാമാലയായി
ഉലര്ത്തിക്കലര്ത്തിയിടും.
ഇലക്ട്രോണുകളെപ്പറ്റി
സംസാരിക്കാന്
കമ്പ്യൂട്ടറുകള് തോറും
കറങ്ങി നടപ്പുണ്ടെന്ന് കേട്ടു.
അവിചാരിതമായി ചിലനേരത്ത്
നിങ്ങളുടെ സിസ്റ്റം
സ്തംഭിച്ചുപോവുന്നതാണ്
സാഹചര്യത്തെളിവ്.
മനസ്സുള്ള ആളാണ്.
ഒരിക്കല്,
ഇട്ടിരിക്കുന്ന ഷര്ട്ട്
പുതിയതാണോ എന്ന് ചോദിച്ചപ്പോള്
സെല്ലുലോസ്, കാര്ബണ്,
ഹൈഡ്രജന്, ഓക്സിജന്
പഴയതേത് പുതിയതേതെന്ന്
മറുപടി ചോദിച്ചു.
ആത്മീയ സമ്മേളനത്തില്
മൈക്കിരന്നുവാങ്ങി
നിങ്ങളെല്ലാം മരിച്ചവരല്ലെന്ന് എന്താണുറപ്പ്?
പരലോകത്തില്,
നരകത്തിലല്ല, സ്വര്ഗ്ഗത്തിലല്ല
ഈ സമ്മേളനം നടക്കുന്നതെന്ന്
ഉറപ്പുള്ളവരാരുണ്ടെന്ന് ആരാഞ്ഞു.
കാമുകനൊടൊത്ത്
ഐസ്ക്രീം കഴിച്ചുകൊണ്ടിരുന്ന
സുന്ദരിയോട്
അറിയാമോ,
നീയിപ്പോള് നുണയുന്ന മധുരം
എത്ര ന്യൂറോണുകളുടെ
അശ്രാന്തപരിശ്രമമെന്ന്
ഇടപെട്ട ശേഷം
തല്ല് വാങ്ങിക്കൂട്ടി.
വെളിവിന്റെ
എല്ലാ പഞ്ഞിത്തുണ്ടുകളെയും
ഇങ്ങനെയിങ്ങനെ
നൂലായ് പിരിച്ചെടുത്ത്
നൂലാമാലയായി
ഉലര്ത്തിക്കലര്ത്തിയിടും.
ഇലക്ട്രോണുകളെപ്പറ്റി
സംസാരിക്കാന്
കമ്പ്യൂട്ടറുകള് തോറും
കറങ്ങി നടപ്പുണ്ടെന്ന് കേട്ടു.
അവിചാരിതമായി ചിലനേരത്ത്
നിങ്ങളുടെ സിസ്റ്റം
സ്തംഭിച്ചുപോവുന്നതാണ്
സാഹചര്യത്തെളിവ്.
Thursday, August 28, 2008
എന്തുകൊണ്ട് ?
എന്തുകൊണ്ടാണിത്ര
തുറിച്ചുനോക്കുന്നതെന്നതിന്
കണ്ണുകൊണ്ട്
എന്നൊരുത്തരം
എപ്പോഴും നിലനില്ക്കുന്നു,
എന്തുകൊണ്ടാണ്
ജീവിക്കുന്നതെന്ന ചോദ്യത്തിന്
ശരീരം കൊണ്ട്
എന്ന ഉത്തരം
പെട്ടെന്ന് മനസ്സിലാവുന്നിടത്ത്
പ്രത്യേകിച്ചും.
തുറിച്ചുനോക്കുന്നതെന്നതിന്
കണ്ണുകൊണ്ട്
എന്നൊരുത്തരം
എപ്പോഴും നിലനില്ക്കുന്നു,
എന്തുകൊണ്ടാണ്
ജീവിക്കുന്നതെന്ന ചോദ്യത്തിന്
ശരീരം കൊണ്ട്
എന്ന ഉത്തരം
പെട്ടെന്ന് മനസ്സിലാവുന്നിടത്ത്
പ്രത്യേകിച്ചും.
Thursday, August 21, 2008
മടക്കവിവരണം
ഈ നേരത്തിത്
എവിടെ പോയതാണെന്ന്
കുശലം, സംശയം.
ഇതുവരെ വന്നതെന്ന്
ഒരാളെ കാണാനുണ്ടായിരുന്നെന്ന്
മറുപടി, വിശദീകരണം.
എവിടെയും
പോയതായിരുന്നില്ല
ഒരാളിനെയും
കാണാനുമുണ്ടായിരുന്നില്ല
ചോദ്യത്തിലെ ആകാംക്ഷ
വല്ലാതെയങ്ങ് കൂര്ത്തത്
ഒട്ടുംതന്നെ പിടിച്ചില്ല
അത്ര തന്നെ..
അല്ലെങ്കിലും പറഞ്ഞതപ്പാടെ
മുഴുവനായും കളവെന്ന്
തെളിയിക്കാനൊന്നും പറ്റില്ലല്ലൊ
വേറെയാരെയും കണ്ടിട്ടല്ലെങ്കിലും
അവനവനെയെങ്കിലും
കണ്ടിട്ടാവില്ലേ മടങ്ങുന്നുണ്ടാവുക?
എത്ര മൂര്ച്ചയില്
ആകാംക്ഷയുണ്ടായാല്
തുളച്ചുചോര്ത്താനാവും
ഇതില് നിന്നൊരു കളവിനെ ?
എവിടെ പോയതാണെന്ന്
കുശലം, സംശയം.
ഇതുവരെ വന്നതെന്ന്
ഒരാളെ കാണാനുണ്ടായിരുന്നെന്ന്
മറുപടി, വിശദീകരണം.
എവിടെയും
പോയതായിരുന്നില്ല
ഒരാളിനെയും
കാണാനുമുണ്ടായിരുന്നില്ല
ചോദ്യത്തിലെ ആകാംക്ഷ
വല്ലാതെയങ്ങ് കൂര്ത്തത്
ഒട്ടുംതന്നെ പിടിച്ചില്ല
അത്ര തന്നെ..
അല്ലെങ്കിലും പറഞ്ഞതപ്പാടെ
മുഴുവനായും കളവെന്ന്
തെളിയിക്കാനൊന്നും പറ്റില്ലല്ലൊ
വേറെയാരെയും കണ്ടിട്ടല്ലെങ്കിലും
അവനവനെയെങ്കിലും
കണ്ടിട്ടാവില്ലേ മടങ്ങുന്നുണ്ടാവുക?
എത്ര മൂര്ച്ചയില്
ആകാംക്ഷയുണ്ടായാല്
തുളച്ചുചോര്ത്താനാവും
ഇതില് നിന്നൊരു കളവിനെ ?
Monday, August 11, 2008
കണ്ണാടിയില്
കണ്ണാടിയിലെ ഉള്ളടക്കം
ഒരര്ത്ഥത്തില്
ലളിതം, പ്രവചനീയം.
ഇങ്ങനെയാണോ
കാണപ്പെടാന് പോകുന്നതെന്ന്
ഭാവിയിലേക്ക്
ഒരു തുറിച്ചുനോട്ടം,
ഇമ്മട്ടിലാണോ
ഇന്നലെയുമുണ്ടായിരുന്നതെന്ന്
ഭൂതത്തിലേക്ക്
ഒരു ഒളിഞ്ഞുനോട്ടം,
ഇതിലടങ്ങിയിട്ടില്ലാത്തതും
ആരെങ്കിലുമൊക്കെ
കാണുന്നുണ്ടാവുമെന്ന്
വര്ത്തമാനത്തിലേക്ക്
പരതിനോട്ടവുമുണ്ടാകും.
കണ്ണാടിയിലെ കാലം
നോട്ടം എന്ന അര്ത്ഥത്തില്
സങ്കീര്ണ്ണം? അവിചാരിതം?
ഒരര്ത്ഥത്തില്
ലളിതം, പ്രവചനീയം.
ഇങ്ങനെയാണോ
കാണപ്പെടാന് പോകുന്നതെന്ന്
ഭാവിയിലേക്ക്
ഒരു തുറിച്ചുനോട്ടം,
ഇമ്മട്ടിലാണോ
ഇന്നലെയുമുണ്ടായിരുന്നതെന്ന്
ഭൂതത്തിലേക്ക്
ഒരു ഒളിഞ്ഞുനോട്ടം,
ഇതിലടങ്ങിയിട്ടില്ലാത്തതും
ആരെങ്കിലുമൊക്കെ
കാണുന്നുണ്ടാവുമെന്ന്
വര്ത്തമാനത്തിലേക്ക്
പരതിനോട്ടവുമുണ്ടാകും.
കണ്ണാടിയിലെ കാലം
നോട്ടം എന്ന അര്ത്ഥത്തില്
സങ്കീര്ണ്ണം? അവിചാരിതം?
Thursday, June 19, 2008
ആസൂത്രിതം
ഇനിയൊരുകാലം
എഴുതുവാനിടയുള്ള
പത്തോളം കവിതകളെപ്പറ്റി
ഇന്നത്തെ ദിവസം
കവി കണക്കുകൂട്ടുകയുണ്ടായി.
അവയിലൊരു നാലെണ്ണത്തില്
കാര്യകാരണ സഹിതം
സ്പഷ്ടമാക്കേണ്ട
ഇല്ലായ്മകളെങ്ങനെ
ഉണ്ടാക്കിയെടുക്കുമെന്ന്
തലവെന്ത് ചിന്തിച്ചിരുന്നു,
മരിച്ചുപോവുന്നവയെ
ജീവിച്ചിരുന്നുകൊണ്ട്
വിശദീകരിക്കാമെന്ന്
മൂന്നെണ്ണത്തിന് തികയുന്ന
ദാര്ശനിക നീക്കുപോക്കില്
പതിവുള്ളപോലെ
വാക്കാലുറപ്പായി,
ഇനിയൊരു രണ്ടെണ്ണത്തില്
മേലുകീഴുനോക്കാതെ
ഇഷ്ടികപോലടുക്കും
ഇഷ്ടങ്ങള് നെടുനീളം
ബാക്കിവരുന്ന ഒന്നാണ്
അടുത്ത ഖണ്ഡത്തില്
അവസാനിക്കുന്നത്;
ഊഹങ്ങളുടെ ഒരു പട്ടികയെ
ഉണ്ടാക്കിയെടുക്കേണ്ട
ഇല്ലായ്മേ
ചത്താലും ജീവിക്കുന്ന
സിദ്ധാന്തമേ
എത്രയടുക്കിയാലും തെറിച്ചുനില്ക്കുന്ന
മുഴച്ചുനില്പ്പേ
എന്നിങ്ങനെ വിളിച്ച്, വിശ്വസിച്ച്....
എഴുതുവാനിടയുള്ള
പത്തോളം കവിതകളെപ്പറ്റി
ഇന്നത്തെ ദിവസം
കവി കണക്കുകൂട്ടുകയുണ്ടായി.
അവയിലൊരു നാലെണ്ണത്തില്
കാര്യകാരണ സഹിതം
സ്പഷ്ടമാക്കേണ്ട
ഇല്ലായ്മകളെങ്ങനെ
ഉണ്ടാക്കിയെടുക്കുമെന്ന്
തലവെന്ത് ചിന്തിച്ചിരുന്നു,
മരിച്ചുപോവുന്നവയെ
ജീവിച്ചിരുന്നുകൊണ്ട്
വിശദീകരിക്കാമെന്ന്
മൂന്നെണ്ണത്തിന് തികയുന്ന
ദാര്ശനിക നീക്കുപോക്കില്
പതിവുള്ളപോലെ
വാക്കാലുറപ്പായി,
ഇനിയൊരു രണ്ടെണ്ണത്തില്
മേലുകീഴുനോക്കാതെ
ഇഷ്ടികപോലടുക്കും
ഇഷ്ടങ്ങള് നെടുനീളം
ബാക്കിവരുന്ന ഒന്നാണ്
അടുത്ത ഖണ്ഡത്തില്
അവസാനിക്കുന്നത്;
ഊഹങ്ങളുടെ ഒരു പട്ടികയെ
ഉണ്ടാക്കിയെടുക്കേണ്ട
ഇല്ലായ്മേ
ചത്താലും ജീവിക്കുന്ന
സിദ്ധാന്തമേ
എത്രയടുക്കിയാലും തെറിച്ചുനില്ക്കുന്ന
മുഴച്ചുനില്പ്പേ
എന്നിങ്ങനെ വിളിച്ച്, വിശ്വസിച്ച്....
Monday, June 09, 2008
പ്രതിഷേധം
ബ്ലോഗുടമകളുടെ അറിവോ സമ്മതമോ കൂടാതെ മലയാളം ബ്ലോഗുകളില് നിന്ന് സൃഷ്ടികള് കവര്ന്നതിനെതിരെ, മോഷണത്തെ ചോദ്യം ചെയ്തവരോട് അപമര്യാദയായി എഴുത്ത്കുത്ത് നടത്തിയതിനെതിരെ, മാഫിയാ സ്വഭാവമുള്ള അതിക്രമങ്ങളിലൂടെ ഇഞ്ചിപ്പെണ്ണിനോടും മലയാളം ബ്ലോഗ് സമൂഹത്തോട് പൊതുവിലും കാണിക്കുന്ന തെമ്മാടിത്തരത്തിനെതിരെ കേരള്സ്.കോമിനോട് ഈ ബ്ലോഗും പ്രതിഷേധിക്കുന്നു. സൈബര് ഗുണ്ടായിസത്തിനെതിരെയുള്ള പോരാട്ടങ്ങള്ക്ക് എല്ലാ പിന്തുണയും അറിയിക്കുന്നു.
Saturday, June 07, 2008
കാഴ്ചപ്പാതി
ചിന്തിച്ചു നീയിരിക്കുന്നതിന്റെ
ഫോട്ടോ ഞാനെടുക്കുന്നു.
അങ്ങനെത്തന്നെയിരിക്ക്
കാണാനൊരു
ഗൌരവമൊക്കെയുണ്ടെന്ന്
നിന്നോട് ഞാനൊരു
പാതിനുണ പറയുന്നു.
ചിന്തിക്കുന്നു എന്ന പോസിലേക്ക്
നിന്നോട് നീ ഉള്ളില്
കുശുകുശുക്കുന്നതും
ഏതാണ്ടിതുതന്നെയാണോ?
എന്തായാലും
ഫോട്ടോ കാണുന്നവര്ക്ക്
ആവശ്യമുള്ള മിഴിവില്
അടങ്ങിയൊതുങ്ങണം
പാതിസത്യത്തിന്റെ
ഭാവി വിസ്തീര്ണ്ണം...
അനങ്ങാതിരിക്ക്,
കണ്ണ് ചിമ്മല്ലേ...
ഫോട്ടോ ഞാനെടുക്കുന്നു.
അങ്ങനെത്തന്നെയിരിക്ക്
കാണാനൊരു
ഗൌരവമൊക്കെയുണ്ടെന്ന്
നിന്നോട് ഞാനൊരു
പാതിനുണ പറയുന്നു.
ചിന്തിക്കുന്നു എന്ന പോസിലേക്ക്
നിന്നോട് നീ ഉള്ളില്
കുശുകുശുക്കുന്നതും
ഏതാണ്ടിതുതന്നെയാണോ?
എന്തായാലും
ഫോട്ടോ കാണുന്നവര്ക്ക്
ആവശ്യമുള്ള മിഴിവില്
അടങ്ങിയൊതുങ്ങണം
പാതിസത്യത്തിന്റെ
ഭാവി വിസ്തീര്ണ്ണം...
അനങ്ങാതിരിക്ക്,
കണ്ണ് ചിമ്മല്ലേ...
Thursday, May 22, 2008
ഇടനാഴി
നില്പ്പോടുനില്പ്പായ
കെട്ടിടത്തിനുള്ളില്
നടപ്പുകള്ക്കു മാത്രമായി
വിള്ളലായി നില്ക്കും
ചില ഇടങ്ങള്-
ഇടനാഴികള്.
ഓരോ മനുഷ്യനും
ഒരു കെട്ടിടമാണെന്ന്
വിചാരിച്ചാലുമറിയാം,
അങ്ങോട്ടോ ഇങ്ങോട്ടോ
ഉള്ളില് നിന്ന് ഉള്ളിലൂടെ
പോക്കുവരവനക്കങ്ങള്;
നില്പ്പോടുനില്പ്പിന്നകത്ത്
പുറത്തൊട്ടുമറിയാത്ത വിധത്തില്.
കെട്ടിടത്തിനുള്ളില്
നടപ്പുകള്ക്കു മാത്രമായി
വിള്ളലായി നില്ക്കും
ചില ഇടങ്ങള്-
ഇടനാഴികള്.
ഓരോ മനുഷ്യനും
ഒരു കെട്ടിടമാണെന്ന്
വിചാരിച്ചാലുമറിയാം,
അങ്ങോട്ടോ ഇങ്ങോട്ടോ
ഉള്ളില് നിന്ന് ഉള്ളിലൂടെ
പോക്കുവരവനക്കങ്ങള്;
നില്പ്പോടുനില്പ്പിന്നകത്ത്
പുറത്തൊട്ടുമറിയാത്ത വിധത്തില്.
Sunday, April 20, 2008
ഒറ്റയ്ക്ക് കേള്ക്കുന്നത്
ഇയര്ഫോണിലേതോ
തബല പെയ്യുന്നു
കാതിലെ കാടുലച്ച്
പാട്ടുവീശുന്നു
ഒതുക്കത്തിലൊട്ടും
തുളുമ്പാതകത്തേക്ക്
തീര്ത്തും രഹസ്യമായ്
താളമിടിവെട്ടുന്നു
പുറമേയ്ക്ക് പകരാതെ
ഒറ്റയ്ക്ക് തീരുന്നു
തെളിവില്ലാതെത്രയോ
നനവുകാലങ്ങള്.
തബല പെയ്യുന്നു
കാതിലെ കാടുലച്ച്
പാട്ടുവീശുന്നു
ഒതുക്കത്തിലൊട്ടും
തുളുമ്പാതകത്തേക്ക്
തീര്ത്തും രഹസ്യമായ്
താളമിടിവെട്ടുന്നു
പുറമേയ്ക്ക് പകരാതെ
ഒറ്റയ്ക്ക് തീരുന്നു
തെളിവില്ലാതെത്രയോ
നനവുകാലങ്ങള്.
Sunday, March 30, 2008
ഒഴിവിടത്തെപ്പറ്റി പറഞ്ഞുനോക്കുന്നു
വല്ലാതെയങ്ങ്
ഇല്ലാതെയായിപ്പോയില്ലേ
നമ്മുടെ പറച്ചിലിലെ
പഴയൊരു പുളകം
പറഞ്ഞുവന്നാല്
ചെങ്കല്ല്
വെട്ടിത്തീര്ന്നിടത്തെ
കുഴി പോലെയായി
ഓര്ക്കാപ്പുറത്ത്
ഉണ്ടായതൊന്നുമല്ല
ചതുരത്തിലാഴത്തില്
നമ്മുടെയീ ഇല്ലായ്മ
എന്നാലും...
ഏത് പറച്ചിലും
കെട്ടിപ്പൊക്കാന്
ഉറപ്പുള്ളൊരു ഉറപ്പായിരുന്നു
എന്തു ചെയ്യാനാണ് ?
പറഞ്ഞുവന്നാല്
എല്ലാ ഉറപ്പും
ഇങ്ങനെയൊക്കെത്തന്നെ
അളന്നു മുറിഞ്ഞ്
ലോറികേറിപ്പോയി
ഒടുക്കമൊടുക്കം
വല്ലാത്തൊരു വിടവ്.
ഇല്ലാതെയായിപ്പോയില്ലേ
നമ്മുടെ പറച്ചിലിലെ
പഴയൊരു പുളകം
പറഞ്ഞുവന്നാല്
ചെങ്കല്ല്
വെട്ടിത്തീര്ന്നിടത്തെ
കുഴി പോലെയായി
ഓര്ക്കാപ്പുറത്ത്
ഉണ്ടായതൊന്നുമല്ല
ചതുരത്തിലാഴത്തില്
നമ്മുടെയീ ഇല്ലായ്മ
എന്നാലും...
ഏത് പറച്ചിലും
കെട്ടിപ്പൊക്കാന്
ഉറപ്പുള്ളൊരു ഉറപ്പായിരുന്നു
എന്തു ചെയ്യാനാണ് ?
പറഞ്ഞുവന്നാല്
എല്ലാ ഉറപ്പും
ഇങ്ങനെയൊക്കെത്തന്നെ
അളന്നു മുറിഞ്ഞ്
ലോറികേറിപ്പോയി
ഒടുക്കമൊടുക്കം
വല്ലാത്തൊരു വിടവ്.
Subscribe to:
Posts (Atom)