നരകത്തില്‍ നിന്ന്
സ്വര്‍ഗ്ഗത്തിലേക്ക്
ഒളിഞ്ഞുനോക്കാനുള്ള
കിഴുത്തയില്‍
കരടായിക്കിടക്കുകയാണ്
ഒരു നഷ്ടബോധം.
ഇപ്പുറത്തുനിന്നോ
അപ്പുറത്തുനിന്നോ
സഹികെട്ട്
ഞാന്‍ തന്നെ
ഊക്കിലൊന്നൂതുമ്പോള്‍
അങ്ങോട്ടേക്കോ
ഇങ്ങോട്ടേക്കോ
തെറിച്ച് ചേര്‍ന്ന്
പുണ്യമോ പാപമോ
ആകാനാണതിന്റെ
രഹസ്യ പദ്ധതി.
14 comments:
Sitting on the fence - നല്ല പദ്ധതി :-)
നഷ്ടബോധക്കരട് ജീവിതത്തിലൊരിക്കലും നമ്മെ വിട്ടുപിരിയാത്ത കൂട്ടുകാരനാണ്.
നല്ല കവിത.
ഊതുന്നതെന്തിന്, അതിനെ അതിന്റെ പാട്ടിന് വിട്ടൂടെ. അങ്ങോട്ടോ ഇങ്ങോട്ടോ പോട്ട്. അല്ലെങ്കില്‍ തന്നെ ഈ പാപവും, പുണ്യവുമൊക്കെ എന്നാ ഉണ്ടായേ ;).
ഓഫ് ; ഊതരുത്, അതിനെകുറിച്ച് ആലോചിക്കുക പോലും അരുത്.
അപാരം
ഇവിടുത്തെ ഈയൊരു ടച്ച്!
നമിച്ചു.
ഊതിയില്ലെങ്കില്‍ പദ്ധതി പാളും.:)
നല്ല കവിത.
ബിന്ദു, അതിരുകള്‍ തകര്‍ക്കുക എന്ന പദ്ധതിയുടെയത്ര റൊമാന്റിക്കൊന്നുമല്ലെങ്കിലും അവഗണിക്കാനാവാത്തത്ര സാഹസികതയുണ്ട് അതിരുകളില്‍ ഒളിഞ്ഞ് താമസിക്കും എന്ന പദ്ധതിക്ക്.അല്ലേ?
വികടശിരോമണി, നന്ദി സുഹൃത്തേ..
അനീഷേ, ഓരോന്നിനെയും അതിന്റെ പാട്ടിന് വിട്ടാല്‍ നമുക്ക് മൂളാനുള്ള പാട്ട് ആര് തരും? അതാണ്..:)
ഉമ്പാച്ചി, :)
ശ്രീ, :)
ജ്യോനവന്‍, നന്ദി..:)
പ്രമോദേ, അതും സത്യം...:)
നഷ്ടബോധം വല്ലാത്തൊരു ബോധം തന്നെ; മുടി നരച്ചുതുടങ്ങി..:)
കാര്യങ്ങളെ ഒട്ടും വൈകാരികത തൊട്ടു തീണ്ടാതെ ഒരു മൂന്നാം കണ്ണിലൂടെ നോക്കി കാണാനുള്ള ഈ കഴിവ്‌ അപാരം തന്നെ
നല്ല ചിന്ത..
റോബി, മഹി, സ്മിത, നന്ദി..
നഷ്ടബോധമെന്ന കരട് നന്നേ ബോധിച്ചു.
അപ്പുറത്തുനിന്നോ ഇപ്പുറത്തുനിന്നോ ഊതിയാല്‍, ഊതുന്നവനിലേയ്ക്കൊട്ടും അടുക്കാതെ നഷ്ടമാകാന്‍ പാകത്തിനുള്ള സുഷിരവും!
:)
സത്യമായും അങ്ങിനെയാണ്...
ഒരു പിടുത്തവും കിട്ടാത്താവിധം തെന്നിമാറുകയാണ്.
ജീവിതം.
''അങ്ങോട്ടേക്കോ
ഇങ്ങോട്ടേക്കോ
തെറിച്ച് ചേര്‍ന്ന്
പുണ്യമോ പാപമോ
ആകാനാണതിന്റെ
രഹസ്യ പദ്ധതി. ''
സി. വി. ബാലകൃഷ്ണന്‍ ചോദിച്ചപോലെ ജീവിതമെ , നീഎന്ത്?
-അല്ലെ?
സസ്നേഹം
ദിനേശന്‍ വരിക്കോളി.
പുണ്ണ്യത്തിലേക്ക് തന്നെ വീഴട്ടെ..!! ആശംസകള്‍.......!!
Post a Comment