Monday, June 01, 2015

മുറിവുകളെപ്പറ്റി ജീവിക്കുന്നതിന്റെ

മറവിയുടെ
പൊറുതിയില്ലാത്തവര്‍
മുറിവുകളെപ്പറ്റി
ജീവിച്ചുകൊണ്ടിരിക്കുന്നു.

മുറിവുകള്‍ എന്നാണ്
മുറിവുകളെ എന്നാണ്
മുറിവുകളേ എന്നുമാണ്

ഓരോ മുറിവും
ഒരു ജീവിയാണ്.
അതേറ്റയാളില്‍
അയാളല്ലാതെ ജീവിക്കുന്ന
മറ്റൊരു ജീവി,

ഏറ്റയാളും
ഏല്‍പ്പിച്ചയാളും
ചേര്‍ന്ന് രൂപപ്പെട്ട
ജനിതകമുള്ളത്.

2 comments:

രാജാവ് said...

കൊള്ളാം ചങ്ങാതി..ഓരോ കവിതകളിലേയും വരികളും ആശയങ്ങളും വിഷയങ്ങളും ഒക്കെ വളരെ വ്യത്യസ്തമായി തോന്നി..

utto pian said...

അറിവുകളെല്ലാം മുറിവുകള്‍ തന്നെ.